|
|
stof tot stof, stof tot nadenke:
'n stowwerige gegriffel
|
Die middernagtelike gerammel van 'n rustelose koppie. Twee breinselle bots en woordkluise breek oop.
Soli Deo Gloria!
|
Met dank aan God drie-enig vir al die seëninge wat Hy so mildelik en onverdiend op ons uitstort!
|
| | | |
Pret met SMS
'n Duur speletjie...
|
|
| | |
|
Lus vir bietjie pret maar te platsak om te gaan fliek?
Geen probleem, daar is verskeie SMS diensverskaffers wat
jou sal vermaak teen bloot die prys van 'n SMS. Ja, dis reg
die prys van 'n SMS. Maar wat is die prys van 'n SMS?
In die afgelope jaar is 'n groot verskeidenheid kortkodes op
plakate, in koerante op radio en op TV geadverteer. En ons,
reeds bekend as die nasie wat die meeste SMS het die geleentheid
aangegryp en onsself heerlik te buite begin gaan. Sussie laai
gou 'n nuwe logo af vir haar selfoon, Boetie 'n nuwe speletjie,
Ma 'n sepie voorskou en Pa 'n wulpse poppie vir sy selfoonskerm.
Gou gou 'n boodskap vir Ouma stuur na Belboks en vir Pitsop laat
weet ek hou niks van daardie ou wat nou net probeer sing het nie.
SMS dan gou vinnig die antwoord om 'n besoek aan sewende laan se
stel te wen. En wat van daar die voedselverwerker wat ek kan wen?
Bring gou die foon, ek moet dit net he! Haai, ek kan 'n 'n huis
wen as ek gou genoeg SMS en sommer oor die TV skedule ook navraag
doen. Nou raak dit lekker. Het jy gehoor, die Stem is nou as luitoon
beskikbaar? En dadelik is Pa op die foon. Ma hoor Seventh Heaven
is volgende jaar terug en wil weet wat gaan gebeur. En so 'n ou
donasietjie aan kinderwelsyn kan mos nie skade doen nie. Kyk,
daar is 'n nuwe SMS klub waar ek luukse voertuie, bote en en
weeldespeelgoed kan wen. Kom ons probeer dit gou. En net voor
die verkiesing kyk ek sommer gou per SMS of ek geregistreer is.
Terwyl ek dit doen, mis ek die jongste kriekettelling en SMS gou
om dit te kry. En Woensdagaand raak ek voor die TV aan die slaap
en mis die lotery uitslae. Geen probleem, ek vra dit gou per SMS
aan. Saterdagaand as die kinders al slaap skakel ek in op ETV en
beproef die oulike SMS dienste wat dan geadverteer word. Wat is
so tien of twintig SMS'ies nou as fliek in elk geval te duur is.
|
|
Tot MTN se rekening die dag kom. Dan besef ek, waarom nie eerder
maar tog gaan fliek nie, dit is soveel goedkoper. Op die staat
gluur die premie SMS'e se kostes my aan. Die TV skedule kan nog
gaan, dit was drie rand. Die sewende laan voorskou ook, nie te
duur nie teen twee rand. Maar daardie wenklub is dan vyftig rand.
En die donasie aan die kinderhuis dertig rand, gedog dis net drie
rand. En die oulike laatnag versies en smeulende logos tussen vyf
rand en dertig rand elk. Dan onthou ek meteens die ou dae van die
087 premielyne. Al verskil is, SMS is so gerieflik beskikbaar op 'n
intrument in my sak, dis minder moeite as om handstuk toe te stap.
Die premie SMS'e sal waarskynlik ook nie deur die owerhede gestaak
word nie, want mediasensuur is so afgeplat dit dit net in naam
bestaan. En die fynskrif het mos gewaarsku! Maar die fynskrif is
so fyn en die grafika vra soveel van my aandag dat ek mos nie nog
op fynskrif kan konsentreer nie.
SMS is waarskynlik die mees onmiddelike en effektiewe kommunikasiemedium
vandag. En as dit bloot gebruik word vir een tot een kommunikasie is dit
'n wondermedium wat die lewe vir die meeste van ons makliker maak. Juis
omdat SMS so gewild en vrylik beskikbaar is, bied dit egter
besigheidsgeleenthede aan entrepeneurs wat 'n vinnige paar (of duisende)
randjies wil maak. Feitlik enige inligting is vandag per SMS beskikbaar
waarvan baie nogal bruikbaar is en werklik nuttig. Andere minder nuttig
maar tog so opwindend. Dit juis daar waar ons as goedgelowige nasie maar
inspring en fluks begin SMS.
SMS vereis 'n sekere mate van disipline en selfbeheersing, veral omdat
dit so vrylik beskikbaar is en geen konkrete ouderdomskontole tegnies
moontlik is nie. In 'n era waar tegnologie vermaak, toegang tot inligting
en maklike kompetisiedeelname maklikker as ooit maak, moet ons as SMS
gebruiker verantwoordelikheid neem om seker te maak wat die kostes en
vangplekke van premie SMS dienste is. Die minder bekende, maar hoogs
iriterende vangplek van somminge dienste' is 'n poslys. As 'n gebruiker
die diens eenmaak gebruik het, kry hy daarna gereeld promosie SMS'e wat
dikwels so baie raak dat dit sy dag tot dag kommunikasie omvergooi. Al
sou die fynskrif se dat 'n intekenaar enige tyd kan afteken, is dit in
praktyk egter minder maklik en word die gebruiker 'n slagoffer van
gemorspos per SMS. Om hierdie tipe dienste verantwoordelik te gebruik
maak die lewe baie makliker en die stelsel opsig self is 'n aanwins.
Ons moet egter net leer om die fynskrif mooi te lees en nie te val vir
interresante versoeking nie. 'n Goeie norm is die bruikbaarheidvlak van
die diens. 'n Gemiddelde weernavraag of TV skedule is gewoonlik billik
geprys en dikwels goedkoper as om net daarvoor 'n koerant te gaan koop.
Sodra daar 'n kompetisie betrokke is, moet daar 'n groter wins wees en
daarom sal feitlik alle kompetisielyne se tarrief aansienlik hoer wees.
Sekere luitone en logos vor selfone is billik geprys, maar let op, sodra
die logos 'n erotiese ondertoon begin kry, kos dit heelwat meer. Dienste
waar denkbeeldige oordele oor verhoudings en toekomsvoorspellings gemaak
word, is gewoonlik duur en selde indien ooit van waarde in praktyk. Die
norm behoort die nuttigheidsvlak te wees. Basiese inligtingsdienste is
in meeste gevalle billik en nuttig. Maar pas op vir die vermaaklike dienste,
dit is daar waar jou selfoonrekening jou gaan laat skrik. Astrologie en
erotika is ook 'n mynveld om fyn in te trap, want dis waar die beladings
dikwels die hoogste is.
Geniet jou SMS kultuur, dis daar vir jou gemak, mits jy dit gedisiplineerd
gebruik. En as jy vermaak soek, is die fliek uiteindelik tog goedkoper.
.
|