ELSaBé het haar eerste musikale klanke in Hartbeespoort gemaak toe sy in 1988 met 'n groot geskree haarself aan die węreld bekend gestel het. Vandag doen sy dit net in 'n ander soort teater - die musiekteater. As jongste van drie susters moes sy deurentyd seker maak dat sy gehoor word en so het sy genoeg geleentheid gehad om haar stem te ontwikkel. In 2003 het die verhooggogga ELSaBé behoorlik beetgekry. Daarna het ELSaBé in 2005 en 2006 deelgeneem aan die Idols kompetisie. So gebeur dit dat sy met haar Supersterre-inskrywing in 2006 die top twaalf haal. Daar het sy haar talent verfyn deurdat Danny K haar musiek en optreevaardighede onder hande geneem het.

In 2007 word sy deel van die top nege in Supersterre. Daar het ELSaBé weer die voorreg dat Jannie Moolman haar die fyner truuks van die musiekwęreld leer. ELSaBé is ook sopas deur BayFM, 'n streeksradiostasie in die Oos Kaap, benoem vir die Spiraal toekenning. ELSaBé is vasbeslote: Sing gaan sy sing. Sy is gebore daarvoor en niks gaan haar keer nie. En ons as luisteraars is in die bevoorregde posisie dat ons na haar mag luister. Toe ek vir ELSaBé vra wat haar ideale is, het sy die volgende wyse woorde kwytgeraak: "Ek wil vir Suid-Afrika iets gee wat hulle nog nie hier gehoor of gesien het nie. My sang gee my vlerke om te styg."

ELSaBé is buiten sang ook lief vir fotografie. Sy neem graag natuur en kinder-foto's.

Om na ELSaBé se demo te luister is 'n voorreg. Die snitte is slim gekies sodat elke snit 'n ander dimensie van haar veelsydigheid na vore bring. Die lied "Somer", wat Stef Kruger vir ELSaBé geskryf het, begin met so 'n mooi pleidooi vir 'n geliefde. Die geleidelike afsterf van die laaste noot van dié frase, dra by tot die definise van die emosie daarin. Daarmee het sy reeds haar luisteraar in die sak. Per geleentheid vat sy 'n reeks verrassend-hoë note vas met 'n akuraatheid wat baie ander haar net sal beny. Stef het ELSaBé se talent hier baie goed opgesom hier, want hierdie komposisie is duidelik nommerpas vir haar geskryf.