Geraldine
Geraldine is 'n amptenaar by ABSA in Jakarandasentrum, Rietfontein. Sy het bewys dat omgee vir klante en dienslewering met oorgawe steeds haalbaar is. Waar ander nie wou of kon help niem het sy elke keer 'n oplossing. Mag al haar ander klante haar ook so waardeer.
Jackie
Jackie is 'n skakelbeampte by Eerste Nasionale Bank se Jakarandasentrum agentskap. Waar ander huiwer, doen sy. Waar onkunde ander laat struikel, is sy daar om deur haar kennis en toegewydheid haar kollegas sowel as kliënte te help.
Johann Gaum
In 'n tyd toe min ander mense werklik geglo het dat ek in staat is tot iets, het Johann en Linda deur bloot daar te wees en oor 'n koppie koffie te deel, weer hoop geskep wat 'n groot rol gespeel het in die herstel van die totale mens - sonder selfsug, sonder vooroordeel. As omstandigdhede druk kon ek vreesloos met hulle deel. Ek stel jou voor 'n uitdaging. Probeer om minstens net een dag 'n medemens te dra soos wat die twee engele gedoen het. Dalk maak jy net 'n lewensbelangrike verskil vir iemand wat jou NOU nodig het.
Daar is min mense soos die twee Gaums!
Meer oor Johann Gaum
Totiusdal Poskantoor
Totiusdal Poskantoor is klein, maar effektief. Probleme wat verskeie ander groter poskantore nie kon oplos nie, is elke deur deur bemiddeling van Totiusdal opgelos. Ek het rede om te glo dat die Poskantoor sy top presteerders daar aanstel.
Motorwagte
Eendag het die mens die Here gevra om iets omtrent die misdaad op aarde te doen. Baie mense kla tot vandag nog dat daardie gebed nie verhoor is nie. As hul egter net verder as hul neuse kyk, sal hul sien dat Hy juis hierdie versoek op 'n besondere manier hanteer het. Hy het Sy elite engele geneem, hulle aarde toe gestuur en van hul motorwagte gemaak. Daarom dan my GROOT dank aan elkeen van die engele wat gehoorsaam genoeg was om hierdie engelediens te verrig. Sonder motorwagte sal die wêreld 'n baie swakker plek wees.
Gareth Jones
Gareth is 'n amptenaar by Pick a Pay in Hillcrest wat toesien dat die oorskot kruideniersware veilig in die hande van gemeenskapswerkers besorg word vir verspreiding onder minderbevoorregdes. Die manier waarop hy dit doen en die waardigheid waarmee hy die werkers hanteer, verdien 'n groot pluimpie
Huis vir Afrikaanse Poësie
In Capital Park is 'n wegkruipplek waar jy weer vrede kan vind. 'n Plek waar die skrywersiel kan ontspan en inspirasie vind. Deur die Poësiehuis te deel met ander, word dit 'n hawe vir die moedelose, 'n saamkomplek van die eensame. Aan die bestuur van hAp, julle word raakgesien. Die genesende rol wat jul in die gemeenskap speel is groter as wat jul ooit besef.
Meer oor hAp
Die Here sal jou seën en jou behoed. Die Here
sal Sy aangesig oor jou laat skyn en jou
genadig wees; Die Here sal Sy aangesig
oor jou verhef en aan jou vrede gee.
(Num. 6:26-28)
|
|
|
Besoekrekord:
|