ek verlang te veel
Deur Elmarie Ehmke
ek smag te veel
ek rook te veel
ek drink te veel
my vriende is te besig
ek dink te veel
my lewe is nutteloos
soos 'n opgebruikte asemteug
My God !
dit is
verlate
om so eensaam te wees
ek wil liewer 'n boom wees
wat opgebruikte asem nuttig
ek wil kaal staan in die veld
vry eet aan die son
drink van die wind
ek wil 'n rugstut gee
vir te veel mense
wat hier kom sit
om eensame drome te droom
elmarie ehmke ( 09- 07- 05)