Eerste liefde
deur Elsie Smith 

Daar was nog nooit iets mooier en skoner op aarde
Selfs die herinnering is van onskatbare waarde
Daardie eerste gewaarwording - hy hou van my
Sal definitief vir ewig en altyd by my bly.

Saam het ons gaan kyk hoe die son opkom
Voor die wonder van eerste liefde skoon verstom
Later toe ons gaan stap langs Jeffreysbaai se strand
Het hy gese ek hou sy hart in die holte van my hand.

Na twee onvergeetlike dae moes ons terugkeer
Vir maande daarna het ons gekorrespondeer
Sy pragtige briewe het ek hongerig verslind
Dit dan aan my hart gedruk soos 'n gelukkige kind.

Die mooiste woorde het ek oor sy lippe gehoor
Hoe kon hy dan so gou belangstelling verloor
Hy sal heel waarskynlik met iemand anders trou
Al wat ek het, is 'n n foto waar hy my styf vashou.