Nita Booyse
GEDAGTES AAN JOU 

'n Helder blik wink op na my strydgedagtes
Met dowwe oë onthou ek jou donker silhoeët 
 

Verlang ek myself tot teenaan jou
Smag ek na die noue sirkel van jou arm
..jou soekende mond
Kleef die angs van wonder aan my gees
  

Soms weet ek jy is daar
maar dan die strawwe werklikheid
ons sprokiespad, 'n toegegroeide onkruidbos 
 

Hoe sal ek ooit weet
Hoe jy werklik oor my voel
...want die stilte    
             verf 'n styfheid aan jou wang