Spore
Deur MUSICFAN2

spore van `n kleine meisie
met haar gesig
bespotting ingetrap

spore van `n dogtertjie
te vroeg vrou geword
vir ander `n goot grap

spore van `n meisie broos
op `n trein verkrag
dit was haar troos

spore van `n bruid so skoon
om in jare wat kom 
die waarheid te verloën

spore van talent vergaan
afgedruk en werk 
vir ander se gladder baan

spore van `n jonge vrou
met leë wiegies 
in diepe rou

maar spore
van geluk te vind
in `n ander vrou se kind

spore dieper in die modder trap
`n juk gedra,
nie vir die grap

spore in `n tranedal
met `n swaar kop omlig
aanskou die wëreld, sluk die gal

spore van vriende wat kom en gaan
ook meester manupileerders
om hul tande in te slaan

spore uit `n hofgebou
slegs afspoelstof
wat aan die sole klou

spore wat my nou vooruit
gee voetkrag, Heer,
vir die regte spoorbesluit