By die voete van Jan F.E Cilliers en Koos Kombuis<br>
deur:  <a title="Klik hier om meer oor Meraai en haar werke te lees..." href="http://www.woes.co.za/skrywers/301_meraai_vannie_baai.htm" target=meraai002>Meraai vannie baai</a>  <br>
 <br>
Ek 't  vandag gaan sit <br>
as *immigrant - <br>
by die voete van Jan F.E Cilliers; <br>
wou daar net weer gaan leer <br>
sodat ek ook soms kan dig <br>
soos die meesters uit die verlee' <br>
in my taal aan moederskoot geleer <br>
 <br>
So pas ek vermoeid die woorde toe: <br>
al stuiwend en stampend vorm ek nou deel van die *verraaier se geslag <br>deur jou verag die dag toe ek die land verlaat het met my jas van nuwe woorde  <br>
wat nie meer knus wou pas <br>
 <br>
En tog, pas ons nog áltwee toe, <br>
die reëls om met stemming  <br>
saam te voeg wanneer ons dig; <br>
gebruik ons uit dieselfde bron <br>
 <br>
Rympatrone - vir ritme: <br>
Twee reëls is 'n koeplet <br>
en ses pronk as sekstet <br>
agt vir oktaaf - <br>
en veertien - <br>
'n sonnet! <br>
 <br>
Ons weet van jambe en pirre <br>
selfs trogee en spondee <br>
Ons leer van skema's met die abc: <br>
Gekruis is abab cdcd <br>
Omarm die vertoon as abba cddc <br>
Met slagrym gebruik ons slegs - aaaa! <br>
En ámper vergeet ek die gebróke een <br>
abcd! <br>
 <br>
Ek 't vandag ook gaan sit by die voet  <br>
van 'n knaap genaamd: <br>
... Koos Kombuis ... <br>
 <br>
So was 'k vanuit die verlede   <br>
geruk tot midde in die hede! <br>
 <br>
Tot daár waar my ou meester's drome <br>
vergruis geworstel het met sy woorde <br>
soos babelaas en loom, <br>
en die verveelde doringboom! <br>
 <br>
Nou wonder ek, <br>
maak ons dan nou plek <br>
vir woorde wat bely <br>
uit die mond van Koos Kombuis: <br>
van 'n eeu wat end - <br>
going, going gone! <br>
 <br>
Ek 't toe maar weer gaan sit <br>
by die voete van Jan F.E Cilliers<br> 
"So, stom tot die stond van hul sterwe, <br>
blyf ieder 'n held van die daad... <br>
Hul bene, na swoeë en swerwe, <br>
lê ver op die velde verlaat." <br>
 <br>
Is die era van die doringboom verby? <br>
Het dit tyd geword om te bely: <br>
Hierdie boompie is verplant - <br>
Ek is nou 'n *immigrant <br>
in 'n land waar almal om my,  <br>
'n ander taal praat! <br>
 <br>
* Verraaiersgeslag en immigrant moet gelees word in die terme van 'n nuwe skryfstyl en die minagting van verandering en aanvaarding veral in die nuwe neiging van lirieke in die Afrikaanse musiek gebied.