Jagter
deur Natalie Dominique
Die oggendson hang soos ‘n oorryp lemoen
In ‘n uitspansel sianied blou
Cicadas sing die oggend om, eentonig
En ‘n eensame lammervanger, swewend
Skel die visarend roep tussen houtkapper tok-tok
En die blesbok se uumph uumph
In olien vesting n rietbok of twee
Onskuldig, onbewus – ‘n jagtersvisioen
Koedoekop in kruisvisier
‘n ware skoutrofee – vier draaie fors en fier
Dhoupshhhhuuudhoup
Koedoekop omgedop
Angstig vladder vlerke
Bokkie oë verskrik starend
Onuitgesproke verwonderd
Wie, wat hoekom
Jagter o so opgewonde
My trofee ‘n wereld eerste
Nooit tevore ‘n vierdraai kop
Guinness Book of Records ‘n formaliteit
Soos doodseggo verdof Hang sterwensreuk sagsoet kras
Fladder ‘n dieresiel, onverwags weggeskeur
Stilweg, ‘n fluistering, die siano hemel in
Sagbruin oë, stil-starend, ‘n siel ewig stil