Eensaam
deur Riane Venter
TUSSEN TWEE FIGURE
TUSSEN DIE BOOM EN DIE BAS
MAAR DAAR IS NIEMAND WAT KAN HOOR
AS DIE GIL NA BINNE DRING
WOORDELOSE KREET
SPIRAAL NA BO
BARS UIT IN GELUIDELOSE HUIL
N TRAAN VAL IN DIE STOF
SAGTE PLOF
DIE STOF GAAN Lê EENKANT
MAAK N KRING IN DIE SAND
DAM OP EN BARS NA BUITE
STROOM OOR DIE SEER KLUITE
ALLEEN AANEEN ALLEEN
NIEMAND NABY, GEENEEN
GRASSE BUIG AS STOM GETUIE
VAN DIE KLANKELOSE LYE
NES EENSAAM AREND IN SY VLUG
DRAAIEND, SWAAIEND TOL EN SUG
SWIEP SKUINS NA BENEDE
GRYP EN STOL DIE STIL GEBEDE
WIE SAL HOOR, WIE SAL WEET
MENS ALLEEN MET DOODSE SWEET
SIEL ONTBLOOT IN NAAKTE NOOD
WAAR IS DIE LEWENSBROOD
TUSSEN VIER MURE
TUSSEN VELE MENS EN DIERE
LAG EN SKERTS IN LUIDE KOOR
DRING DIE GIL NA BINNE
VERSTOM DIE KREET
SPIRAAL NA BO
NIEMAND SIEN DIE Oè WAT HUIL.